29. பற்றுக பற்றற்றான் தாளினை

29. பற்றுக பற்றற்றான் தாளினை
************************************
ஓர் முனிவருக்கு 5 சீடர்கள். கற்றுக்கொள்ளவேண்டியதை எல்லாம் கற்றுக்கொண்டபின் ஒரு சீடனுக்கு ஒரு ஐயம். அதை முனிவரிடமே கேட்டுவிடுவதென நினைது,"குருவே! இறைவன் மீது பற்று வைத்தால் மற்ற பற்றுக்கள் எல்லாம் தளர்ந்துவிடும் என்றீர்கள். அது எப்படடி?" என்றான்.

அதற்கு முனிவர் புன்னகைபூத்து,"அதோ, அந்த விறகுக் கட்டைக் கொண்டுவா" என்றார். பின்னர்,"இக்க்ட்டின்மீது இன்னொரு கயிறால் இறுகக் கட்டு என்றார்". சீடனும் அங்ஙனமே நன்றாக இறுகக் கட்டினான். பின்னர் முனிவர்,"இப்போது னுதலில் கட்டியிருந்த கயிற்றைப் பார்" என்றார். சீடன் கட்டு தளர்ந்திருப்பதைக் கண்டான்.

இதேபோல்தான், இறைவன் மீது பற்று என்னும் கட்டினை இறுக்கும்போது, பந்தம் முதலான கட்டுக்கள் எல்லாம் தளர்ந்துவிடும்" என்றார். ஐயம் தெளிந்த சீடனும் மகிழ்ந்தான்.